داوود باشا جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- كيلو لحمه ناعمه (كفته)
- 0.25 وقيه ليه (اختياري فيكي تستغني عنها بسمنه او زيت)
- 3 كيلو بندوره
- 4 بصلات كبار
- ملح و فلفل
- رشه قرفه
- زنجبيل ناعم
- 1 اول شي منغسل البندوره ومنعمل فيها شق متل اشاره زائد ومنسقطها بمي سخنه دقيقيتين ومنرفعها ع مصفايه حتى تخلص الكميه
- 2 بس تبرد شوي منقشرها ومنفرمها ناعم
- 3 منفرم البصل مواس يعني جوانح
- 4 بطنجره علغاز منحميها ومنحط الدهنه مع رشه ملح ومنغطيها ومنوطي الغاز حتى تسلي الدهنه وتتقمر شوي الدهنه سريعه الاحتراق منضل قدامها منحركها ومنفرطها بلملعقه حتى يشقرو حبات الدهنه والغاز نايص منشان ماتحترق
- 5 منضيف عليها شويه زيت او سمنه ومنقلي البصل فيها حتى يدبل
- 6 منضيف عليها البندوره المفرومه ومنزبط الملح والفلفل ورشه سكر منشان حموضه البندوره ومنتركهم علغاز يغلو وبتسبكو شوي
- 7 بهي الاثناء منتبل اللحمه مع ملعقه كبيره ملح وفلفل وملعقه صغيره زنجبيل ناعم ورشه قرفه منخلطها منيح ومنشكلها دوائر
- 8 اذا حطيتي لحم عجل تبلي اللحمه بشويه بهار لحمه
- 9 بس تتسبك البندوره منحطها بجاط بيركس او صينيه فرن ومنصف عليها كرات اللحمه ومنحطها بلفرن تتحمر اللحمه فيكي تقلي اللحمه لحالها بشويه زيت بمقلايه علغاز وبعدين ضيفيها علبندوره انا لانو عامله البندروه بدهنه حبيت خفف دسم
-
10
منتركها بلفرن حتى تستوي وتاخد لون وتاخد اللحمه والبندوره من بعض ومنقدمها وبلعافيه فيكي تقدميها مع رز ابيض بلا شعيريه او بالخبز العربي
يجب عليك تسجيل الدخول لتتمكن من التعليق وإضافة تجربتك لهذه الوصفه
